اتوار 27 مئی 2018ء
اتوار 27 مئی 2018ء

سعودی عرب میں خواتین کو فوج میں بھرتی کرنے کا آغاز

ریاض(اے این این)سعودی عرب میں خواتین کو فوج میں بھرتی کرنے کا آغاز ہوچکا ہے، ریاض سمیت 7 صوبوں میں آن لائن درخواستیں جمع ہونا شروع ہوگئی ہیں۔عرب ٹی وی کے مطابق فوج میں بھرتی کی خواہشمند خواتین انٹرنیٹ کے ذریعے جمعرات تک درخواستیں جمع کروا سکتی ہیں۔ انٹرمیڈیٹ یا اس سے اعلی تعلیمی اسناد کی حامل خواہشمند خواتین سارجنٹ کے طور پر بھرتی کی جائیں گی، کم از کم عمر کی حد 25 اور زیادہ سے زیادہ 35سال مقرر کی گئی ہے۔واضح رہے کہ سعودی حکومت نے گزشتہ مہینے ہوائی اڈوں اور سرحدی چوکیوں پر سعودی خواتین کی تعیناتی کی اجازت دی تھی۔سعودی ولی عہد شہزادہ محمد بن سلمان کی جانب سے پیش کئے جانے والے 2030 ویژن کے نتیجے میں مملکت تبدیلی کے ایک اہم دور سے گزر رہا ہے، بالخصوص خواتین کو ہر شعبے میں نمایاں مقام دینے کی کوشش کی جارہی ہے۔