راولاکوٹ (دھرتی نیوز) : ٹی ٹونٹی آئی پی ایل : ممبئی انڈینز نے کنگز الیون پنجاب کو 8وکٹوں سے شکست دیدی
 

انٹرنیشنل کرکٹ کونسل میں پانچ روزہ بڑی بیٹھک کل سے ہو گی، بیٹھک میں بِگ تھری کے تابوت میں آخری کیل ٹھونکے جانے کا امکان ہے، اوندھے منہ گرنے والا بھارت پھر مردہ گھوڑے میں جان ڈالنے کے لئے سرگرم ہو گا، روایتی حریف کے خلاف دو طرفہ سیریز سے ہونے والے مالی نقصان کا معاملہ بھی اٹھائے گا۔ آئی سی سی کے ہیڈکوارٹرز دبئی میں کرکٹ حکام 27 اپریل تک نان سٹاپ اکٹھے ہو رہے ہیں جہاں وہ گرما گرم بحث مباحثے کریں گے۔ سال کے دوسرے اجلاس میں بھی بِگ تھری کو بولڈ کرنے کی تیاریاں کی جائیں گی۔ چیئرمین پی سی بی شہریار خان پہلے ہی بھارت کی کرکٹ پر ٹھیکیداری کو ٹھکرا چکے ہیں۔ وہ ماضی میں بھی کرکٹ میں آمدن کی مساوی تقسیم کیلئے مؤثر آواز اُٹھاتے رہے ہیں۔ بِگ تھری کے بُت کو توڑنے کے لئے نیا اتحاد بھی بنتا نظر آ رہا ہے۔ امکان ہے کہ پاکستان کو اس سلسلے میں انگلینڈ، آسٹریلیا اور نیوزی لینڈ کا اعتماد بھی حاصل ہو جائے گا جس کے بعد بگ تھری کے خاتمے کی منظوری کا امکان بڑھ جائے گا۔ تاہم دوسری جانطب، بھارت اس فلاپ پِکچر پر ہلکان ہوا جا رہا ہے اور سری لنکا اور بنگلہ دیش سمیت دیگر ممالک کو بڑی بڑی آفرز کر کے اپنے ساتھ ملانے کی کوششوں میں مگن ہے۔ بِگ تھری کے معاملے کے بعد آئی سی سی اجلاس میں دوسرا بڑا میدان پاک بھارت سیریز کے مسئلے پر لگے گا۔ سیریز سے باغی بھارت کو ایک اور ٹف ٹائم ملے گا۔ پاکستان اجلاس میں اپنے مالی نقصان کا معاملہ اٹھائے گا



Head Office Dharti : 0092 5824 445864
E-mail:dailydhartiajk@gmail.com

   A PROJECT OF : EARTH VISSION PUBLICATION PVT.LTD

Powered by Solution's